Niş Marketinq Nədir və Niyə Vacibdir? | Niş Marketinqin Üstünlükləri Nədir?

Niş marketinq dediyimiz zaman, kiçik hədəf auditoriyasının hədəfləndiyi və daha konkret bir qrupa ünvanlanan məhsul və xidmətlərin formalaşdığı bazar hədəflənir və niş bazarını müəyyən etmək üçün isə qiymət, demoqrafik vəziyyət, keyfiyyət səviyyəsi və coğrafi vəziyyətlər nəzərə alınır. Niş marketinq konsepsiyası hədəf bazara yönəlmiş bir reklam strategiyasıdır. Bu strategiyada məhsul və ya xidmətdən faydalana bilən hər bir kəsə ayrıca marketinq işi görmək əvəzinə, yalnız bir qrupa yönəlmiş strategiyalar ehtiva olunur.

Niş Marketinqin Üstünlükləri Nələrdir?

Niş marketinqində daha az rəqabət onun ən böyük üstünlüklərindən biridir və niş marketinqdə şirkətlər bazar liderləridir. Buna görə də, şirkətlər qiymət inhisarından qorunurlar, digər tərəfdən isə güclü müştəri əlaqələri, sektorun davamlılığı və müştəri loyallığı baxımından ön plandadır. Ümumi olaraq, niş marketinqinin üstünlüklərini qeyd etməli olsaq, onun faydalarını aşağıdakı şəkildə sadalaya bilərik;

  • Niş marketinqində rəqabət az olduğundan dolayı, bu üstünlük biznesin böyüməsinə və qısa zamanda məqsəd və hədəflərinə çatmasına kömək edir.
  • Brendlərə fərq yaratmağa imkan verərək, brend reputasiyasının yaradılmasına töhfə verir və sektordakı rəqiblər arasında diqqəti cəlb etməyə imkan verir və brendə dəyər əlavə edir.
  • Hədəf auditoriyaya çatmağa və toxunmağa imkan verən niş marketinq, dinamikləri ehtiva edir və müştərilərlə əlaqə qurmaqda və daimi müştərilər yaratmaqda effektivdir.
  • Fərdi marketinq üsulları ilə güclü brend yaratmaqda təsirli olan niş marketinqin digər üstünlüklərindən biri də müştəri təcrübəsi və müştəri məmnuniyyətinin təmin edilməsini yaratmaqdan ibarətdir.
hedef auditoriya

Niş Bazarını Necə Müəyyən Etmək Olar?

Güclü tərəflərinizi və maraq dairələrinizi müəyyənləşdirin: Brendlər nə təklif etdiklərini və nəyi yaxşı bacardıqlarını göstərməklə işə başlamalıdırlar. Ən yaxşı niş marketinq strategiyaları brendinizin unikal güclü və perspektivlərində rol oynayır. Beləliklə, brendinizin, komandanızın və təkliflərinizin xüsusi və müstəsna keyfiyyətləri haqqında düşünün, çünki niş marketinq ən çox əlaqə qurmaq istədiyiniz insanlarla sektora diqqət yeyirmək üçün əla bir fürsətdir.

Rəqib araşdırması aparın: Hansı növ marketinqlə məşğul olmaq istədiyiniz barədə təsəvvürünüz olduqdan sonra ideyanızın bazarda hansı mövqe tutduğunu araşdırın. Bu sektorda rəqiblərin olub-olmadığını və bu brendlərin hazırda nə etdiyini görmək üçün rəqabət təhlili aparın. Bundan əlavə, hədəf bazarınızda çatışmazlıq olub-olmaması və müştəri gözləntilərinin nə dərəcədə qarşılandığı barədə də məlumat əldə edin.

Potensial müştərilərinizin gözləntilərini təhlil edin: Niş marketinq üçün ideya və ilham əldə etməyin başqa bir yolu da hədəf auditoriyanıza yaxından baxmaq və onların həqiqətən nə istədiklərini və ehtiyaclarını müəyyən etməkdir. İdeal müştərinizi tanımaq; onlara daha yaxşı məhsul və ya xidmət təklif etməyə kömək edə bilər.

Bütün suallaranızı bizə yaza bilərsiz.

+994 70 808 90 00
WhatsApp-a yaz

Hədəf Auditoriyası Təhlili Necə Aparılır? – 2022 ƏN YENİ

Hədəf auditoriyanı təhlil etmədən biznes planınızı yarada, marketinq, reklam və satış strategiyalarınızı inkişaf etdirə və məhsullarınızı tanıda bilməzsiniz. Brendinizi müəyyən edən və brendin yerləşdirilməsində əhəmiyyətli bir yerə sahib olan hədəf auditoriya təhlili, e-ticarət şirkətlərinin xüsusilə diqqət yetirməli olduğu mövzulardan biridir. Hədəf Auditoriyası haqqında daha ətraflı məlumat almaq istəyirsinizsə, Hədəf Auditoriyası Kimlərdir? Hədəf Auditoriyası Necə Müəyyən Edilir? adlı məqaləmizi oxuya bilərsiniz. Bəs hədəf auditoriyanızı müəyyənləşdirərkən və təhlil edərkən nə etməli və necə aparmalısınız?

Mövcud Müştəri Bazanızla Başlayın

Bir müddətdir onlayn satış edirsinizsə, mövcud hədəf auditoriyanız var deməkdir və bu cari auditoriyanı araşdırmaqla işə başlaya bilərsiniz, yox əgər siz e-ticarətdə yenisinizsə, diqqətinizi birazdan qeyd edəcəklərimizə yönəldə bilərsiniz.

hedef auditoriya

Mövcud hədəf auditoriyanız varsa, onları nəzərdən keçirmək və məlumat toplamaq sizin üçün daha asan olacaqdır. Bu prosesdə onların keçmiş alış-verişlərini araşdıra, alış-veriş etdikləri yerləri müəyyən edə, sorğular apararaq demoqrafik göstəriciləri haqqında məlumat əldə edə, alış-veriş vərdişləri və ödəmə üsulları haqqında məlumat toplaya bilərsiniz. Bu məlumatlar üzərində işləyərək, siz ideal müştəri profiliniz haqqında çoxlu məlumatları aşkar etməyə başlaya biləcəksiniz.

Mövcud hədəf auditoriyanızı dəyişmək istəyirsinizsə, bu zaman keçmiş marketinq, reklam və satış strategiyalarınızı dəyişdirərək, yeni bir planla başlamaq lazımdır. Bu prosesdə çatmaq istədiyiniz və brendiniz üçün uyğun olan ideal hədəf auditoriyanızı yaş, cins, yaşayış yerləri, maraq dairələri, gəlir statusları, internet alış-veriş vərdişləri və hansı sosial şəbəkələrdə daha çox aktiv olduqları barədə məlumat əldə edin. Bundan sonra məhsullarınızla əlaqəli ola biləcək yeni müştəri profili haqqında daha ətraflı nəticələr çıxarmağa başlaya biləcəksiniz.

Hədəf Auditoriyanızı Bölün

Hədəf auditoriyanız müxtəlif seqmentlərdən ibarət ola bilər. Bu bölmələri daha da təkmilləşdirmək üçün alt bölmələrinizi yaratmağınız vacibdir, çünki bu seqmentlərə görə fərqli marketinq və reklam işləri apararaq, fərqli qiymət strategiyaları tətbiq etməli olacaqsınız. Hədəf auditoriyanızı seqmentlərə bölərkən aşağıdakı maddələri nəzərə almalısınız:

  • Demoqrafik quruluş
  • Geolokasiya
  • Maraqlar və ehtiyaclar
  • İnternet alış-vərdişləri

Bu bölmələrdən yararlanmaq və hədəf auditoriya təhlili apararkən müştəri profilinizi qruplara yaymaq onlara daha tez, səmərəli və effektiv çatmağınıza da kömək edəcəkdir.

Məhsullarınız Hansı Problemləri Həll Edir?

Hədəf auditoriya təhlili aparmaq üçün məhsullarınızın istehlakçılar üçün hansı problemləri həll etdiyini, onlara necə fayda verdiyini və hansı istehlakçılar üçün daha münasib olduğunu müəyyən etməlisiniz. Bu araşdırmalara cavab verdikdə hansı müştəri profilinə müraciət etməli olduğunuz barədə məlumatınız olacaqdır və bununla yanaşı, bu araşdırmaları aparmaq məhsullarınıza tələbatı artırmaq üçün də çox vacibdir.

Marketinq Kanallarınızı Müəyyənləşdirin

Hədəf auditoriya təhlili prosesində istehlakçılara necə və hansı kanallar vasitəsilə çatacağınızı, ideal hədəf auditoriyanızın hansı sosial media platformalarında vaxtlarını daha aktiv keçirdiyini də müəyyənləşdirməlisiniz. Bununla yanaşı, sosial şəbəkə reklamları, Google Adwords kampaniyaları, influencer marketinq çalışmaları, sponsorlu məzmun kimi fərqli fəaliyyətlərdən müxtəlif zamanlarda istifadə edərək, hədəf auditoriyanıza ən yaxşı şəkildə necə çatacağınızı da öyrənə bilərsiniz.

Bütün suallaranızı bizə yaza bilərsiz.

+994 70 808 90 00
WhatsApp-a yaz

Hədəf Auditoriyası Kimlərdir? | Hədəf Auditoriyası Necə Müəyyən Edilir?

Hədəf Auditoriya, bazara çıxarılacaq məhsul və ya xidmətlərin kimə satılacağı üçün yaradılmış statistik məlumatdır və məhsul satmaq istəyən hər bir şəxs satacağı məhsullar üçün konkret hədəf auditoriyası müəyyən etməlidir. Hədəf auditoriyasını təyin edərkən, xüsusən də brendlərin hədəf auditoriyasını müəyyən etmək üçün doğru addımlar atması lazımdır. Brendiniz üçün hədəf auditoriyanı təyin edərkən atacağınız düzgün addımlar uğurlu nəticələrin ortaya çıxmasına imkan verəcəkdir.

Hədəf Auditoriyası Necə Müəyyən Edilir?

Hədəf auditoriyanızı müəyyənləşdirərkən ilk növbədə insanların məhsulunuzu nə üçün alacağını düşünməlisiniz və bununla yanaşı, hədəf auditoriyasını təyin edərkən məhsulu kimin alacağını da müəyyən etmək çox vacibdir. Məhsulunuzu satacaq insanları təyin edərkən ilk növbədə ümumi profil yaratmalısınız. Cins, yaş, təhsil, yaşayış yeri kimi filtrlərdən istifadə edərək ümumi hədəf auditoriyanızı yarada bilərsiniz və ümumi hədəf auditoriyanızı müəyyən etdikdən sonra bu auditoriyanı fərdiləşdirməlisiniz.

Auditoriyanızı daha konkret etmək üçün ümumi auditoriyanızdakı insanların gündəlik həyatını nəzərdən keçirin. Satdığınız məhsullarla bu insanların gündəlik həyatını nəyin doldurduğunu düşünün və bu prosesdə sizi rəqiblərinizdən fərqləndirəcək xüsusiyyətlərinizi tapın və onlarla hədəf auditoriyanız üçün strategiyalar yaradın və marketinq işlərinizi edin. Hədəf auditoriyanızı müəyyənləşdirərkən hansı kanallar vasitəsilə reklam etmək istədiyinizi də nəzərə almalısınız. Bundan əlavə, hədəf auditoriyanızın müəyyən edilməsi prosesi zamanı auditoriyanızın adətən hansı sosial mediadan olduğunu müəyyən etmək, reklam kampaniyalarınız üçün böyük bir addım atmağa imkan verəcəkdir.

Hədəf Auditoriyası Üçün Marketinq Strategiyalarının Hazırlanması

Hədəf auditoriyanızın ən çox vaxt keçirdiyi sosial media platformalarından tanıtımlar etmək bu auditoriyanın sizə çatmasını təmin edəcək ən böyük addımdır. Bu səbəbdən Google Analytics vasitəsilə təyin etdiyiniz hədəf auditoriyanın gündəlik vərdişlərini sınaqdan keçirməli olacaqsınız. Google-un bu tətbiqi sayəsində veb saytınıza gələn insanların demoqrafik məlumatları, istifadə vərdişləri və nə ilə maraqlandıqları kimi bir çox məlumatlar əldə edə bilərsiniz. Google Analytics vasitəsilə hədəf auditoriya analizinizlə bu insanlar üçün kampaniyalar yaradın.

Hədəf auditoriyanızın ən çox vaxt keçirdiyi sosial media platformaları üçün məzmun hazırlanmasına daha çox vaxt ayırın və onlara yönələn reklamlar etmək istəyirsinizsə, büdcənizə diqqət yetirin. Unutmayın ki, sosial media platformalarında reklamlara nə qədər çox pul xərcləsəniz hədəf auditoriyanızın əksəriyyətinə çatma nisbətiniz bir o qədər yüksək olar.

Əgər hədəf auditoriyanızdakı insanları genişləndirmək istəyirsinizsə, sosial media hesablarınız vasitəsilə bu auditoriyanı inkişaf etdirmək üçün giveawaylər təşkil edin. Giveawaylərinizdə etiketləmə, bəyənmə və izləmə kimi müəyyən şərtləri yerləşdirərək hədəf auditoriyanızın yaxınlarına da çatın.

Bütün suallaranızı bizə yaza bilərsiz.

+994 70 808 90 00
WhatsApp-a yaz

Rəqəmsal Marketinq Çalışmalarının 4 Təməl Daşı – 2022

Rəqəmsal marketinq çalışmaları üçün bir strategiya yaradarkən, əsas əsas təməl daşlarda qalmaq və strategiyalarınızı bu təməl daşlara qoymaq əldə ediləcək gəliri artıracaqdır və təbii ki, bu təməl daşları yaratmaq üçün situasiya təhlili və SWOT analizlərinin aparılması çox vacibdir. Bu yolla, şirkətiniz və rəqibləriniz haqqında öyrəndiyiniz məlumatları rəqəmsal marketinq araşdırmalarına daxil edə biləcəksiniz. Bu məqaləmizdə isə biz Rəqəmsal Marketinq çalışmalarının təməl daşını təşkil edən 4 elementə diqqət yetirəcəyik.

1.Şirkət

Rəqəmsal marketinq işlərinizə başlamazdan əvvəl şirkətinizlə bağlı bəzi suallara cavab verməyiniz çox vacibdir və ümumi şəkildə həmin sualları qeyd etməli olsaq, aşağıdakı kimi sıralaya bilərik:

  1. Şirkətiniz hansı məhsulları satır və satdığınız məhsullar rəqibləriniz üçün də əlçatandırmı?
  2. Satdığınız məhsullar rəqabətdə və şirkətiniz rəqiblərinizlə müqayisədə hansı üstünlükləri təmin edir və hansı aspektlərdə şirkətiniz rəqiblərlə müqayisədə daha yaxşıdır və ya pisdir?
  3. İstehlakçılar şirkətinizi necə görürlər və şirkətinizin 5 illik planları və hədəfləri nələrdir?
  4. Biznesinizin rəqəmsal marketinq çalışmaları üçün nə qədər büdcə investisiya etməyi və hansı kanallara investisiya etməyi planlaşdırırsınız?

Bu suallara cavab verməklə siz şirkətinizi daha yaxşı müəyyənləşdirə və şirkətinizində nəyin yaxşı və nəyin çatışmadığını görə və bu araşdırmalara uyğun olaraq, rəqəmsal marketinq araşdırmalarında şirkətinizin nəyə ehtiyacı olduğunu və həmin işləri yaxşılaşdırmaq üçün nə etmək lazım olduğunuzu da görə bilərsiniz. Bu istiqamətdə strategiyalarını daha yaxşı müəyyən edə bilərsiniz.

2.Komanda və Kənardan Alınan Xidmətlər

Rəqəmsal marketinq çalışmalarının digər mühüm təməl daşı komanda və kənardan alınan xidmətlərdir. Bunların yaxşı idarə olunması və komandanın şirkətin məqsədlərinə nail olmaq üçün istiqamətləndirilməsi çox vacibdir və bununla bağlı isə verə biləcəyiniz bəzi suallar mövcuddur:

  1. Şirkətdə gündəlik əməliyyatları kim idarə edir və şirkətin idarə olunmasında köməklik edəcək tərəfdaşınız varmı?
  2. Şirkətə sərmayə qoyan investorlar və ya səhmdarlar varmı?
  3. Şirkətin məhsul təchizatını kim təmin edir və hansı nəqliyyat şirkətləri ilə birlikdə işləyirsiniz?
  4. Şirkətin sosial media hesablarını və ödəniş sistemlərini kim idarə edir, e-ticarət saytınız varmı, varsa infrastrukturunu kimi qurub və kim idarə edir?

Şirkətinizdə arxa planda görülməsi lazım olan çox iş var və bu işlərə kimin cavabdeh olduğunu bilmək, görülən işlərə kimin cavabdeh olduğunu bilməklə yanaşı, görülən işlərə daha yaxşı əməl olunmasını təmin edəcəkdir.

3.Müştərilər

Rəqəmsal marketinq çalışmalarınızın təməl daşlarından biri də müştərilərinizdir və onları tanımaq, ehtiyaclarını bilmək, maraqlarını anlamaq və şirkətinizdən gözləntilərini öyrənmək marketinq işlərinizi daha da effektiv edəcəkdir. Müştərilərinizi tanımaq və Rəqəmsal marketinq strategiyalarınızı təkmilləşdirmək üçün cavab verməli olduğunuz suallar bunlardır:

  • Hədəf auditoriyanız və təklif etdiyiniz məhsullarınızla maraqlanacaq istehlakçılar kimlərdir?
  • Hansı məhsulları ən çox və ən az satırsınız və ya hansı məhsullarınız daha çox və daha az istifadəçi rəyi alır?
  • İstehlakçılar məshullarınıza və ya veb saytınıza necə çatırlar, təklif etdiyiniz məhsullarınız istehlakçılar üçün əlçatandırmı?
  • Satışlarınızı artırmaq üçün hansı növ kampaniyalar və məzmunlar daha effektivdir və satışlarınız mövsümü və ya dövri olaraq dəyişirmi?
  • İstehlakçılar ən çox nədən şikayət edirlər?

Müştərilərinizi tanımaq və onların ehtiyaclarını anlamaq rəqəmsal marketinq işlərinizi formalaşdırmaqda sizə çox kömək edəcək və onlarla tanış olmaqla, onların gözləntilərini qarşılayacaq marketinq və reklam fəaliyyətləri edə, həmçinin məhsullarınızı və e-ticarət saytınızı inkişaf etdirə bilərsiniz.

4.Rəqiblər

Marketinq çalışmalarınızı yaxşılaşdırmaq üçün rəqiblərinizi də başa düşməlisiniz və beləliklə, bu araşdırmalarda onlardan irəlidə olmaq üçün bir üstünlük əldə edəcəksiniz, rəqiblərinizi anlamaq üçün isə cavablandırmalı olduğunuz suallar bunlardır:

  • Birbaşa rəqibləriniz və sektorda sizdən irəlidə olan böyük şirkətlər kimlərdir?
  • Rəqibləriniz hansı xidmətləri təklif edir, siz isə təklif etmirsiniz?
  • Rəqiblərinizin hansı güclü və zəif tərəfləri var və rəqibləriniz müştəriləri əldə etmək üçün hansı strategiyalardan istifadə edirlər?

Rəqiblərinizi tanımaq, onların saytlarında və rəqəmsal marketinq kanallarındakı işlərini təhlil etmək sizə öz rəqəmsal strategiyalarınızı yaratmağa kömək edir, eyni zamanda onların diqqət mərkəzində olmadıqlarını və ya çatışmayan tərəflərini görməyə imkan verməklə daha əhatəli planlar qurmağa imkan verir.

Bütün suallaranızı bizə yaza bilərsiz.

+994 70 808 90 00
WhatsApp-a yaz

SEO və Məzmun Marketinqində Google Trends-dən İstifadənin Faydaları

İstifadəçi trendlərini, istifadəçilər tərəfindən edilən axtarış sorğularını və onların bu sorğuları verdikləri dövrləri izləmək SEO və məzmun marketinqi çalışmalarınızın səmərəliliyini artırmaqda sizə çox kömək edir. Trendləri və və istifadəçi vərdişlərini izləmək üçün Google Trends alətindən istifadə edərək, hansı açar sözlərin axtarış həcminə malik olduğunu və trendin vaxtaşırı necə dəyişdiyini izləyə bilərsiniz. Bu məqaləmizdə isə bu alətdən istifadə edərək SEO və məzmun marketinqi çalışmalarınızı necə təkmilləşdirə biləcəyinizi ətraflı şəkildə izah edəcəyik.

google trendsin faydalari

Açar Söz Axtarış Həcmlərini Tapa Bilərsiniz

Google Trends-də axtarışa başladığınız zaman Google-da istifadəçi davranışı haqqında məlumat əldə etməyə başlayırsınız. Bu alət sizə edilən axtarış sorğularının dəqiq sayını verməsə də, axtarış sorğularının sıxlığını görməyə imkan verəcəkdir və bu sıxlığa görə də siz bu məlumatları qrafikdə yoxlaya və seçdiyiniz açar sözlərin aylar və illər üzrə axtarış sıxlığını görə biləcəksiniz.

Beləliklə, müxtəlif dövrlərdə fərqli açar söz qruplarına investisiya edə və bu ifadələrlə əlaqəli məzmun yaradaraq məzmun marketinq fəaliyyətlərinizi edə bilərsiniz. Bunlara əlavə olaraq, bu sıxlıq nisbətinə uyğun olaraq sayt boyu SEO işinizi də edə bilərsiniz.

Məzmun Marketinqi Üçün Planlar Qura Bilərsiniz

Siz həmçinin bloqunuz və ya sosial media məzmununuz üçün plan yaradarkən bu vasitədən istifadə edə bilərsiniz. Siz vaxtaşırı populyar axtarış sorğularını araşdırdıqdan sonra, bu axtarış sorğularında mühüm yer tutan açar söz birləşmələri ilə məzmun ideyaları yaradaraq müəyyən dövrlərdə istifadəçilərin axtarış sorğularına cavab verə biləcək məzmun yarada bilərsiniz.

Gələcək Strategiyalar Yarada Bilərsiniz

Yalnız müəyyən dövrlərdə populyar olan mövzuları araşdırmaq, bu dövrlər üçün xüsusi məzmun və SEO strategiyaları müəyyən etməyə də kömək edəcək. Məsələn, tətil mövsümündə istifadəçilərin hansı növ axtarış sorğuları etdiyini araşdıraraq, bayram mövsümü üçün hansı məzmun marketinqi və SEO fəaliyyətləri edəcəyinizi planlaşdırmağa başlaya bilərsiniz. Hansı məhsulları vurğulayacağınızı, hansı araşdırmaları edəcəyinizi, məzmun mövzularınızı və SEO üçün açar söz ifadələrini təyin edərək gələcək strategiyalar yarada bilərsiniz.

Siz kateqoriyalar üzrə açar sözlər yarada bilərsiniz

Müxtəlif kateqoriyalara uyğun açar sözlər yaratmaq, saytınızın SEO-nu artırmaq üçün faydalı ola bilər və fərqli məhsullar üçün eyni kateqoriyada açar söz birləşmələrini göstərək məhsul səhifələrində bu açar sözləri vurğulayacaq mətnlər hazırlaya bilərsiniz. Saytdakı bütün məhsullar üzərində bu cür araşdırmaların aparılması müxtəlif kateqoriyalardakı açar söz qruplarından saytınıza orqanik trafik cəlb etməyə kömək də edə bilər.

Bütün suallaranızı bizə yaza bilərsiz.

+994 70 808 90 00
WhatsApp-a yaz

Rəqəmsal Marketinq Strategiyalarını Necə Yaratmalı?

Rəqəmsal marketinq e-ticarət şirkətlərinin marketinq strategiyalarında mühüm yer tutur və düzgün hazırlanmış strategiya e-ticarət şirkətlərinin brend və məhsul haqqında məlumatlılığının artırılmasında mühüm rol oynayır. Heç bir plan olmadan rəqəmsal marketinq çalışmaları aparmaq yalnız uzunmüddətli nəticələrə səbəb olmayacaq, həm də investisiya gəlirini ölçə bilməməyə səbəb olacaqdır. Bu məqaləmizdə isə rəqəmsal marketinq strategiyaları yaradarkən diqqət etməli olduğunuz vacib məqamlara diqqət yetirəcəyik.

Məqsədlərinizi Təyin Edin

Rəqəmsal marketinq çalışmalarına başlamazdan əvvəl ilk növbədə hədəflərinizi müəyyənləşdirməlisiniz və bu məqsədləri siyahıya çevirməli və özünüzə qısa, orta və uzunmüddətli hədəflər qoymalısınız. Bir şirkət olaraq rəqəmsal marketinq çalışmaları ilə hansı hədəflərə çatmağı planlaşdırırsınız?

Bu məqsədlər veb sayt trafikini yüksəltməkdən, brend məlumatlılığını artırmaqdan, yeni məhsullarınızı tanıtmaqdan və ya yeni hədəf auditoriyaya çatmaqdan da ibarət ola bilər. Əsas odur ki, sizə uyğun olan məqsəd və ya hədəfləri müəyyən edərək özünüz üçün yol xəritəsi yaradasınız.

Analiz Edin

Rəqəmsal marketinq strategiyasında analitika böyük əhəmiyyət kəsb edir və analiz edərkən diqqət etməli olduğunuz məqamları aşağıdakı kimi sadalaya bilərik:

  • Hədəf auditoriyanız və müştəri profiliniz
  • Təklif etdiyiniz məhsul və ya xidmətlərin müsbət və mənfi tərəfləri (SWOT Analizi)
  • Rəqiblərinizin işi və bazarın vəziyyəti
  • Məqsədləriniz (məqsədlərinizə çatmaq üçün lazım olan işlər) və bununla yanaşı, reklam və marketinq üçün büdcə ehtiyacları

Bu mövzularda təhlil və araşdırma aparmaq rəqəmsal marketinq strategiyanızı hazırlayarkən sizi bir çox məsələlərə hazır edəcək və düzgün kanallar üzərində araşdırma apardığınız zaman isə özünüz üçün strategiya hazırlamaqla bəzi fikirlər əldə etməyə başlayacaqsınız.

Hədəf Auditoriya Araşdırması

Əvvəlki maddədə qeyd etdiyimiz kimi, rəqəmsal marketinqdə hədəf auditoriya mühüm rol oynayır. Hədəf auditoriyanızı yaxşı müəyyənləşdirmək, onların demoqrafik xüsusiyyətlərini çıxarmaq və maraqlarını müəyyən etmək sizə onlara necə çatmalı olduğunuz barədə ətraflı məlumat verəcəkdir.

İstifadə Edəcəyiniz Kanalları Müəyyənləşdirin

Google Ads, sosial media reklamları, re-marketing çalışmaları, influencer marketinq və s. bu cür müxtəlif kanallar vasitəsilə rəqəmsal marketinq fəaliyyətləri edə bilərsiniz. Bununla belə, hansı kanalların sizə daha çox gəlir gətirəcəyini əvvəlcədən təhlil etməlisiniz. Məsələn, sosial media şəbəkələrində reklam etməyi planlaşdırırsınızsa, hədəf auditoriyanızın daha çox cəlb olunduğu kanalları seçməlisiniz.

instagramda reklam vermek

Büdcə Planı Yaradın

Büdcə idarəetməsi və büdcə planı rəqəmsal marketinqdə də çox vacibdir və bu araşdırmaları müxtəlif kanallarla edərkən büdcənizi yaxşı bölüşdürməlisiniz. Kanallarınızda bəziləri digərlərindən daha yaxşı investisiya gəliri əldə edə bilər və buna görə də, həmin kanallara daha çox sərmaye qoymalı və vaxtaşırı olaraq hər bir kanal üçün nə qədər büdcə ayıracağınızı da müəyyənləşdirməlisiniz.

Bütün suallaranızı bizə yaza bilərsiz.

+994 70 808 90 00
WhatsApp-a yaz

Re-Marketing (Yenidən Marketinq) Nədir? | Re-Marketing Necə Edilməlidir?

Ən sadə tərifi ilə qeyd etməli olsaq Re-Marketing, sayta daxil olan insanlara saytı tərk etdikdən sonra ziyarət etdikləri digər saytlarda əvvəlki saytın reklamını görmək imkanı verən bir tətbiqdir. Bu yolla veb saytınızı tərk edən insanlar başqa internet saytlarında reklamlarınızı görsələr, veb saytınıza qayıda və məhsul və ya xidmətlərinizdən faydalana bilərlər.

Yenidən marketinq cookie əsaslı sistemdən istifadə edir və saytınıza daxil olan istifadəçilərin kompyuterlərində və ya smart cihazlarında sadə Javascript kodu ilə cookie yerləşdirilir və istifadəçilər saytınızı tərk edən kimi izlənməyə başlayır. Bu yolla istifadəçilərin saytınızdan ayrıldıqdan sonra hansı veb saytlara daxil olduğunu asanlıqla izləyə və reklamlarınızı təqdim edə bilərsiniz.

Re-Marketinqin Üstünlükləri Nələrdir?

Yenidən marketinq doğru zamanda doğru istifadəçiyə doğru mesaji təqdim edir və istənilən kampaniya üçün strateji reklam modeli ola bilər və bütün növ reklamçılar üçün ROI-ni artırır. Orta hesabla, e-ticarət saytına daxil olanların 98%-i sayta ilk gəlişlərində alış-veriş etmədən saytı tərk edir.

Yenidən marketinq modeli ilə bu istifadəçiləri yenidən hədəfləyə və yeni istifadəçilərdən 4 dəfə yüksək alış nisbətləri ilə dönüşüm nisbətlərinizi artıra bilərsiniz. Yenidən hədəflənmiş istifadəçilər yeni istifadəçilərdən daha yüksək alış həcminə malikdirlər. Saytınızı daha əvvəl ziyarət etmiş istifadəçilərin bir çox fərqli veb saytda reklamlarınızı görməsi markanızın tanınmasını, dəyərini və etibarlılığını artırır.

Re-Marketing İşləri Niyə Edilməlidir?

İstifadəçilər hər gün internetdə onlarla sayta daxil olur və onların hər birindən aldıqları müxtəlif məlumatlarla nə etmək istədiklərini aydınlaşdırmağa çalışırlar. Məhz bu məlumat yükü arasında yenidən marketinq strategiyaları şirkətinizin istifadəçilərin gözündə daha yaxşı başa düşülməsinə səbəb olur. Yenidən marketinq çalışmaları şirkətinizin mesajını gücləndirir, saxlama və geri çağırma nisbətini artırır.

Yaxşı və davamlı yenidən marketinq çalışmaları satışları artırdığı üçün uzunmüddətli marketinq faydaları yaradır, həmçinin brend məlumatlılığına da töhfə verir. Təkcə satış üçün deyil, həm də marketinq məqsədi daşıyan təşəbbüslər üçün bu mənada ikiqat fayda təmin edən bir iş olaraq re-marketingin rəqəmsal dünyada özünəməxsus və vacib yeri vardır.

Re-Marketing Necə Edilməlidir?

Yenidən marketinq strategiyalarının yaradılması rəqəmsal marketinqin ən vacib işlərindən biridir. Xüsusilə yüksək rəqabətli bir bazardasınızsa, düzgün yenidən marketinq strategiyası yaratmaq sizi rəqiblərinizdən bir addım önə aparacaqdır.

Veb Sayt Daxilində Məqsədlərin Müəyyən Edilməsi

Yenidən marketinq strategiyası yaratmaq üçün əvvəlcə veb saytınız üçün hədəflər qoymalısınız, çünki qarşıya qoyduğunuz məqsədlər yenidən marketinq strategiyası hazırlamaq üçün yaxşı bir məlumat təminatçısı olacaqdır. Məqsədlər yaratmazdan əvvəl auditoriyanızı tanımalı və onların sektordakı davranışlarını müəyyən etməlisiniz.

Məsələn, internetdə aksesuar satan bir şirkət olaraq məhsul satırsanız məqsədiniz məhsullarınızı almaq üçün veb saytınızı ziyarət edən insanlar ola bilər, bununla belə e-ticarətlə məğul olan bir şirkət üçün yeganə hədəf istifadəçilərin alış-veriş etməsi deyil. Səbətə əlavə edib sonra imtina edən istifadəçi, saytda uzun müddət qalıb lakin alış-veriş etməyən istifadəçi, saytda çoxlu səhifələrə göz gəzdirən və səbətə əlavə etməyən istifadəçi də hədəf ola bilər. Düzgün hədəflər qoysanız, yenidən marketinq üçün düzgün hədəf auditoriyaları yarada bilərsiniz.

Hədəf Auditoriyası Üçün Fərdi Mesajların Yaradılması

Hədəf auditoriyanız üçün ayrıca reklam məzmunu və mesajlar yaratmaq çox vacibdir. Hər bir auditoriyaya eyni fəaliyyət planını və reklam növünü tətbiq etmək əvəzinə, konkret istifadəçilərin ehtiyac və maraqlarını təhlil edib, onlar üçün xüsusi reklamlar hazırlaya bilərsiniz. Onlayn marketinq və reklamda ən faydalı taktikalardan biri fərdiləşdirilmiş reklam məzmunu və mesajlarından istifadə etməkdir. Google re-marketing analizində bu yolla link nisbətlərində 450% artım əldə edə biləcəyiniz planlaşdırılır.

Reklamları Məhdudlaşdırmaq

İzləyicilərinizi lazımsız yerə qəzəbləndirməmək və diqqətini yayındırmamaq üçün yenidən marketinq çalışmalarınızın necə və nə vaxt göstəriləcəyinə məhdudiyyətlər qoya bilərsiniz. Məsələn, onlayn reklamlarınızın gündəlik icmalı üçün ayırdığınız büdcəni standart məbləğlə məhdudlaşdırmaqla müştərilərinizə göstərə biləcəyiniz mənfi təsirlərin qarşısını ala bilərsiniz, eynilə siz reklamlarınızın görünəcəyi saytları məhdudlaşdıra bilərsiniz. Beləliklə, siz istifadəçiləri reklamlarla bombardman etməyəcəksiniz və onların brendinizdən uzaqlaşmasının qarşısını alacaqsınız.

Bütün suallaranızı bizə yaza bilərsiz.

+994 70 808 90 00
WhatsApp-a yaz

SEO Konsultasiyası Nədir? | SEO Xidməti Alarkən Nələrə Diqqət Etməli?

SEO konsultasiyası bir e-ticarət və ya veb sayt üçün axtarış sistemlərində orqanik axtarışlarda daha yüksək reytinqlər əldə etmək üçün aparılan işdir. Axtarış motorunun optimallaşdırılması mənasını verən bu araşdırmanın məqsədi müvafiq saytın axtarış sistemlərində daha yaxşı reytinqlər əldə etməsi və nəticədə daha orqanik trafik əldə etməsidir.

SEO konsultasiyası xidmətləri göstərən şirkətlərin və ya SEO konsultantlarının əsas məqsədi onların işi ilə bağlı saytı axtarış sistemlərində daha yüksək sıralarda yerləşdirmək və bununla bağlı veb sayt trafikini artırmaqdır. SEO-da saytın təhlili, işə başlamaq, işi davam etdirmək, araşdırmaq, hesabat vermək və təkmilləşdirmək proseslərini SEO konsultasiyası anlayışı altında toplaya bilərik.

SEO Konsaltinq Xidməti Əldə Etməyin Üstünlükləri Nələrdir?

Şirkətinizin veb saytının şirkətinizlə əlaqəli bir çox sözlə axtarış nəticələrinin ilk səhifəsində olması veb saytınızın trafikini eyni nisbətdə artıracaqdır. Bu, yeni müştərilər əldə etməyə imkan verir və bu baxımdan peşekar SEO xidməti əldə etmək və ya SEO-ya investisiya qoymaq çox düzgün qərardır. Düzgün və peşekar bir mütəxəssisdən aldığınız SEO xidmətinin sizə faydası sərmayenizdən qat-qat çox olacaqdır.

SEO Konsultasiyası Alarkən Nələrə Diqqət Etməli?

Rəqəmsal marketinqin bütün sahələrində olduğu kimi SEO üzrə konsaltinq xidmətləri alarkən xüsusi diqqət etməli olduğunuz məsələlər var və bu xidmətləri əldə etməzdən əvvəl SEO mütəxəssisinin sizin üçün nə etməli olduğunu bilməlisiniz. Beləliklə, siz xidməti aldığınız zaman hansı növ xidmətləri alacağınızı və ya almalı olduğunuzu da öyrənəcəksiniz.

On Page SEO Çalışmaları

Sayt daxili SEO çalışmaları SEO mütəxəssislərinin prioritet iş təsvirləri arasındadır və veb saytdakı məzmunu təşkil etmək və axtarış motorlarına uyğunlaşdırmaq üçün bu araşdırmalar aparılmalıdır. Bu nöqtədə, SEO mütəxəssisi aşağıdakıları etmək üçün məsliyyət daşıyacaqdır:

  • Səhifədə etiket və kateqoriya sistemlərinin optimallaşdırılması və Meta təsvirləri redaktə etmək
  • Keyfiyyətli məzmuna nəzarət etmək, hazırlamaq və açar söz ideyaları və alternativlərin tapılması
  • Səhifədə açar söz sıxlığına nəzarət və təyini
  • Google alqoritm yeniləmələrini izləmək və yeni alqoritmlərə uyğun olaraq bu işləri həyata keçirmək və mobil SEO çalışmalarının aparılması
  • Görülən işlərə dair aylıq, rüblük və ya illik hesabatların hazırlanması

Off Page SEO Çalışmaları

off page seo nedir

Sayt daxilində görülən işlərlə yanaşı, SEO mütəxəssisi veb saytınızda kənardan da sizi trafiklə təmin edəcək və saytınızın dəyərini artıracaq SEO işləri görməlidir və bu nöqtədə SEO konsultasiyası alarkən, saytdan kənar işlərdə alacağınız xidmətlər aşağıdakı kimi olmalıdır:

  • Sosial media ilə müraciət trafikinin təmin edilməsi və brendlə əlaqəli məzmunu sosial şəbəkələrin axtarış sistemlərində önə çıxararaq strategiyalar və açar sözlər tapmaq
  • Məzmun (content) marketinqi üçün açar söz ideyalarının hazırlanması, müxtəlif rəqəmsal nəşrlərdə brendlə bağlı məzmun üçün strategiyaların hazırlanması
  • Digər saytlardan backlinklərin orqanik şəkildə əldə olunması və keyfiyyətli trafik əldə etmək üçün keçid strategiyalarının hazırlanması
  • Görülən işlərə dair aylıq, rüblük və ya illik hesabatların hazırlanması

Nəticə etibarı ilə SEO konsultasiyası alarkən bu araşdırmaların aparıldığından əmin olmaq lazımdır, çünki düzgün SEO işlərini etməmək vaxt və pul itirməyinizə, veb saytınızın dəyərinin ciddi şəkildə aşağı düşməsinə səbəb ola bilər.

Bütün suallaranızı bizə yaza bilərsiz.

+994 70 808 90 00
WhatsApp-a yaz

Favicon Nədir? | Favicon İstifadəsinin SEO Baxımından Əhəmiyyəti Nədir?

Favicon brendinizi brauzer pəncərələrində, əlfəcin siyahılarında, axtarış tarixçəsində, reklamlarında və nəticələrində əks etdirən kiçik bir qrafik parçasıdır və kiçik kvadrat şəkillər şəklində hazırlanan favikonlar, brendlərin loqolarından ibarət, adətən hərflər şəklində olan kiçik ikonalardır. Brendləşmədə kiçik bir detal kimi görünsə də, mühüm rol oynayan bir simvoldur. Bu məqaləmizdə isə siz favikon yaratmaq və əlavə etmək haqqında ətraflı məlumat əldə edəcəksiniz.

Favicon yaradılması dedikdə, bu fayllar favicon.ico adlı bir fayla yerləşdirildikdən sonra veb saytın kök katoloquna yerləşdirilir, çünki favicon brendinq və istifadə üçün son dərəcə faydalıdır. Favicon bizə hər bir brauzer nişanını xüsusi bir veb sayta vizual olaraq tez uyğunlaşdırmağa da kömək edir.

Favicon-un Üstünlükləri Nələrdir?

Favicon saytınızın kiçik ID-si kimidir, istifadəçilər gün ərzində bir çox səhifələrə daxil olurlar və açılan tablarda saytınızı yadda saxlamağa kömək edən favikonlar istifadəçilərə brendinizi xatırlamağa və yenidən saytınıza qayıtmağa imkan verir. Favikonların istifadə sahələri genişdir. O, baxış tarixçələri, səhifə nişanları, əlfəcinlər kimi sahələrdə istifadə olunur və saytınızı asanlıqla tanımağa kömək edir. Sayt adının yanında yerləşdirilmiş kiçik nişanlar olan favikonlar brendin loqosunun kiçildilmiş versiyası və ya brendin baş hərflərindən ibarət ola bilər və favikonlardan istifadənin vacibliyi ondan ibarətdir ki, təsvir mətndən çox daha yaxşı qavranılır və saxlanılma sürəti artır.

Favikonun istifadə sahələri olduqca müxtəlifdir lakin biz onların aşağıda bir neçəsini sadaladıq;

  • Sevimlilər
  • Mobil axtarış nəticələri
  • URL işarəsi
  • Çoxlu açılmış tablarda
  • Axtarış nəticələrində və s.

Favicon İstifadəsinin SEO Baxımından Əhəmiyyəti Nədir?

Faviconun istifadəsi saytın axtarış nəticələrində tanınmasına imkan verir ki, bu da həmin saytın SEO dəyərini yüksəldir və ümumi olaraq isə Favicon istifadəsinin SEO üçün əhəmiyyətini aşağıdakı kimi sadalaya bilərik:

Saytın İstifadə Edilməsinin Artırılması: Saytın istifadəyə yararlılığı daha yüksək axtarış motoru reytinqləri ilə əlaqələndirilir və buna görə də, brauzer pəncərələrində, əlfəcinlərində, tarix arxivlərində və s. veb saytınızın başlığının yanında favikonun olması istifadəçiyə vaxta qənaət etməyə, çətinlik çəkmədən veb saytınızı müəyyənləşdirməyə və gözdən keçirməyə kömək edir və beləliklə, SEO baxımından bu yaxşı bir tənzimləmə olacaqdır.

Əlfəcinlər: Google kimi axtarış sistemləri əlfəcin qoyulmuş saytları axtarış sistemlərində daha yüksək yerlərə qaldıra bilər, lakin saytınızın favikonunun olmaması bunu azaldan faktordur. Favicon əlavə etməklə siz axtarış reytinqlərində daha yüksək yer tutmaq şansı əldə edə və kiçik bir toxunuşla orqanik trafikinizi artıra bilərsiniz.

Brendləşmə: Brendin orqanik trafikinin artırılması SEO baxımından ən vacib məsələ olsa da, brendləşmə və brend qavrayışının yaradılması onların hamısını qidalandıran prosesdir. Bu səbəbdən favikonun istifadəsi müxtəlif sahələrdə SEO-nu qidalandıran bir vəziyyətdir.

Favicon Necə Yaradılır?

Veb saytlar üçün favikonların yaradılması da tez-tez araşdırılan və maraq doğuran bir mövzudur. Favicon yaratmaq üçün isə çoxlu keyfiyyətli saytlar var və aşağıda sizin üçün ən çox istifadə olunanları sadaladıq:

Favicon Generator: İstifadəsi çox asan olan favikon generatorla istifadəçilər mətni sayta yükləyir və bununla da, yaradılmış ikona jpeg və ya png şəkil formatında endirilə bilir. İstifadəyə hazır olan favikon yaradılması mümkün olan saytın istifadəsi isə tamamilə pulsuzdur.

Favicon.cc: Pulsuz istifadəyə malik olan bu sayt da favikonlar yaratmaq istəyən veb saytlara xidmət göstərir və favikonun daxil edilməsi üçün bir çox şəkil formatında favikon yaratmağa imkan verir.

Dynamic Driver: Sadə və istifadəsi asan olan bu sayt da pulsuz xidmət göstərir və bir çox fərqli formatda şəkillər yükləmək mümkündür, həmçinin 32×32 masa üstü ikonlar və 48×48 XP ikonları yaratmaq üçün əlavə seçimə malikdir.

Bütün suallaranızı bizə yaza bilərsiz.

+994 70 808 90 00
WhatsApp-a yaz

Marketinqin 4P-si Nədir? | Marketinq Mix Tərifi və 4P Marketinq Nümunələri

Bazar şərtlərinin sərtləşməsi və artan rəqabət daha güclü marketinq strategiyalarını şirkətlər üçün məcburi hala gətirmişdir və gündən-günə daha çox əhəmiyyət kəsb edən bu strategiyaların əsasını marketinq prinsipləri təşkil edir. Bu marketinq prinsipləri qısaca 4P kimi ifadə edilir və izləniləcək strategiyaların baş hərflərindən ibarətdir.

Marketinqin 4P-si nələrdir mövzusundakı bu məqalədə biz sizinlə marketinqin sadə, lakin effektiv əsas prinsiplərini bölüşəcəyik, onları ətraflı müzakirə edəcəyik, o cümlədən marketinq miksin nə demək olduğunu və onlara aid nümunələri ətraflı izah edəcəyik.

Marketinq Mix Nədir?

Marketinqin əsas elementlərini müəyyən etmək üçün istifadə edilən marketinq mix, marketinq fəaliyyətlərini sağlam və davamlı şəkildə idarə etmək üçün müvafiq şöbələrin tətbiq etdikləri əsas strategiyalara əsaslanır. Həmçinin 4P-nin nə olduğu və nə üçün vacib olduğu suallarına cavab verən marketinq mix, marketinq idarəetmə funksiyasına və onun gətirəcəyi faydaya əsaslanır. Marketinq qurucusu kimi və “Müasir marketinqin atası” olaraq da tanınan Filip Kotler marketinq miksin tərifini “Marketinq miks şirkətin müştərinin seçiminə təsir etməsi üçün istifadə etdiyi dəyişə bilən alətlər məcmusudur” deyə adlandırmışdır.

Marketinq miks elementlərinə gəldikdə isə ilk ağıla gələn anlayış 4P-dir. 1960-ı illərdə ortaya çıxan 4P konsepti də Filip Kotler tərəfindən populyarlaşdırılan bir konsepsiyadır. 4P konseptini təqdim edən və marketinq prinsiplərini ümumiləşdirən Filip Kotler 4P nədir sualına “hədəf bazarını izləmək üçün istifadə olunan marketinq vasitələrinin cəmi” kimi cavabını vermişdir. 4P dedikdə Product (Məhsul), Price (Qiymət), Place (Məkan) və Promotion (Promouşn) nəzərdə tutulur.

Product (Məhsul)

Məhsul, ehtiyac və ya tələblərə uyğun olaraq istehsal olunan və irəli sürülən bir şeydir. Satacağınız məhsul maddi və ya qeyri-maddi, mal və ya xidmətlər ola bilər. Məhsulunuzu satışa çıxarmazdan əvvəl onun hansı bazarda olacağını bilmək, ehtiyac və tələblərə uyğun bazar araşdırması aparmaq və istehsala başlamaq vacibdir. 4P konseptinin ilk addımı olan məhsul daim inkişaf etdirilməli və bazarın davamlılığı şərtləri ilə yenilənməlidir.

Price (Qiymət)

Qiymət, marketinq iqtisadiyyatında çox mühüm yer tutur və istehlakçının təklif etdiyiniz məhsul və ya xidmət üçün ödəməyə hazır olduğu məbləği müəyyən edir. Marketinq miks elementləri arasında mühüm yer tutan qiymətlər məhsulun maya dəyərini, əldə ediləcək mənfəətin miqdarını və istehlakçının nəzərində dəyərini də özündə ehtiva edir.

Qiyməti yüksək olan məhsul potensial müştərilərin itkisinə səbəb olur, məhsulun qiymətinin aşağı olması isə gəlirliliyi aşağı salır. Buna görə də qiymət təyin edərkən məhsulun həm maya dəyəri, həm də bazar şərtləri nəzərə alınmalıdır. Məhsulun qiyməti birbaşa məhsulunun satışına və təşviqinə təsir göstərir.

Place (Məkan)

Məkan 4P elementlərinin müştəri bazasını təşkil edən ən vacib addımlardan biridir və doğru məhsulu doğru zamanda doğru auditoriyaya çatdırmaq kimi də müəyyən edilə bilər. Məhsulunuzun bazarda görünməsi üçün o, asanlıqla əldə edilə bilən olmalıdır, istehlakçı sizin məhsulunuza çata bilmirsə, bir növ digər alternativə müraciət edəcəkdir. Bu, satışlarınızla yanaşı, brend məlumatlılığınıza da təsir edir.

Məhsulunuzu istədiyiniz kimi istehsal edin və düzgün qiymət verin, o məhsul düzgün bazarda deyilsə, istehlakçıya çata bilmirsə və ya istehlakçı axtardığı zaman məhsulunuzu tapa bilmirsə, uğur qazanmanız çox çətin olacaqdır.

Promotion (Promouşn)

Marketinq mix elementləri arasında məhsulunuzun davamlılığını təmin etmək üçün nə etməli olduğunuzu ifadə edən promouşn konsepti ən sadə formada görünmə fəaliyyətidir. Məsələn, bazarda real tələbat olacağını düşündüyünüz mal və ya xidmət istehsal etmisiniz. Siz bu məhsulun qiymətini düzgün təyin etdiniz və payladınız. Bəs məhsulunuz hədəf auditoriyaya çatmayanda nə edəcəksiniz? Alternativlərin çox olduğu və asanlıqla əldə oluna bildiyi marketinq dünyasında məhsulunuzu necə mövcud edəcəksiniz?

Bütün bu problemlərlə mübarizə yolunuzu müəyyən edən promouşn konseptləri məhsulunuzu canlı və tələbatda saxlayan ən vacib məqamlardan biridir. Bazar şərtlərinə dözə bilməyən məhsul qısa müddətli olacaq və bütün sərmayenizin boşa çıxmasına səbəb ola bilər. Lakin 4P elementlərindən olan promouşn konseptləri kimi istifadə edilən fəaliyyətləri yerinə yetirdiyiniz zaman hədəf auditoriyanızın diqqət mərkəzində qala və daha görünür ola bilərsiniz. Həmin konseptlərə aşağıda sadalananları qeyd etmək olar;

  • Reklam və ya tanıtım
  • Brend kommunikasiyası və ictimaiyyətlə əlaqələr
  • Satış inkişafı
  • Endirim və ya kampaniya

Promouşn konseptlərindən istifadə etdiyiniz zaman mövcud bazarlarda uzunmüddətli qala və uğur qazana bilərsiniz.

4P Marketinq Nümunəsi

Apple – Iphone nümunəsi

Apple marketinq mix konseptindən ən effektiv istifadə edən brendlər arasındadır. Birinci mərhələ olan “məhsul” addımında, istehsal etdiyi məhsulların qabaqcıl texnologiyasına, yüksək performansına, təklif etdiyi həllərə, qablaşdırılmasına və servis olunmasına diqqət yetirir. İkinci mərhələdə istehsal etdiyi məshulların xüsusiyyətlərini nəzərə alaraq “qiymət”i müəyyən edir və xüsusiyyətlərinə görə isə yenilənən telefonlar istehlakçılara digər brendlərlə müqayisədə baha qiymətə təklif olunur.

Üçüncü mərhələ olan isə Iphone satış “yerlər”i Apple mağazalarında, telefon satış mərkəzlərində və onlayn veb saytlarda baş verir. “Promotion” edərkən, işini aylar öncədən görür və təqdimatlarına hədəf auditoriyanı da daxil edir və reklamlar sonuncu mərhələni sosial media şəbəkələrindən istifadə etməklə tamamlayır.

Bütün suallaranızı bizə yaza bilərsiz.

+994 70 808 90 00
WhatsApp-a yaz